歌词
អនិច្ចាល្វាចេកបែកគូគាប់
រាល់ពេលតែងធ្លាប់បានសាសង
ធ្លាប់បានឮពាក្យអូនបង
ឆ្លើយឆ្លងសាសងមេត្រីក្តីស្នេហា
ព្រលឹមញញឹមធ្លាប់ប្រលោម
គន់ឆោមអ៊ឺយ!រួចទើបចរយាត្រា
ស្វែងចំណីមកភោក្តា
ផល្លាអាហារជីវជាតិទុកឱ្យអូន
ស្រឡាញ់ណាស់ស្ទើរលេបបាន
មិនដែលរំខានក្រំស្រពោន
ឥឡូវប្រែព្រាត់បាត់ស្ងាត់សូន្យ
អូនអ៊ឺយ!ឱ្យរៀមរស់នៅដូចម្តេចបាន?
នៅតែបង្គងរងទឹកភ្នែក
តឹងទ្រូងស្ទើរបែកវិវេកប្រាណ
ម្នាក់ឯងវង្វេងក្រោមសុរិច្ឆាន
ឆ្នាំណានឹងបាន
ផុតកម្មជួបប្រាណវិញអ៊ឺយ!