歌词
Hogeigarren urthera ari naiz hurbiltzen...
Eta nire oinetan tomba dut ikusten
Ni zertako mundura ethorria nintzen?
Ondikoz ez sortzea neretzat hobe zen.
Sekulan zoriona zer den jakin gabe,
Hainitz dut nik lurrean izan atsegabe
Lore sorthu orduko histu baten pare,
Biziaren uztera guti naiz herabe.
Mendian ur chirripa, harrien artean,
Auhen eta nigarrez jausten da bidean,
Izan nahi bailuke zelhai ederrean...
Hala nire egunak badoaz lurrean.
