歌词
Ilahi teri chokhat per bhikari ban ke aya hoon
Ilahi teri chokhat per bhikari ban ke aya hoon
Sarapa faqr hoon ijz o nadamat saath laya hoon
Ilahi teri chokhat per bhikari ban ke aya hoon
Sarapa faqr hoon ijz o nadamat saath laya hoon
Bhikari woh ke jis ke paas jholi hai na payala hai
Bhikari woh jisey hiras o hawas nay maar dala hai
Mata e deen o danish nafs ke hathon se lutwa ker
Sakoon e qalb ki daulat hawas ki bheent charha ker
Lutta ker sari poonji ghaflat o issyan ki daldal mein
Sahara lene aya hoon tere kaabay ke aanchal mein
Gunahon ki lipatt sey kaynat e qalb afsurda
Iraaday muzmehal himmat shikasta hoslay murda
Kahan say laoon takat dil ki sachi tarjumani ki
Ke kis jhanjhaal mein guzri hein ghariyan zindagani ki
Khulasa yeh ke bus jull bhun ke apni roo sayahi sey
Sarapa faqr ban ker apni haalat ki tabahi sey
Tere darbar mein laya hoon apni ab zaboon haali
Teri chokhat ke laeq har amal se hath hein khali
Yeh tera ghar hai tere mehr ka darbar hai maula
Sarapa noor hai ik mohbat e anwaar hai mola
Teri chokhat ke jo adab hein main unn se khali hoon
Nahi jis ko saleeqa manganey ka woh sawali hoon
Zuban gharke e nadamat dil ki nakas tarjumaani per
Khudaya raham meri iss zabaan e be zabani par
Ye ankhein khushk hein ya rabb inhein rona nahi aata
Sulagtay daagh hein dil mein jinhein dhona nahi aata
Ilahi teri chokhat per bhikari ban kay aaya hoon
Sarapa faqr hoon ijz o nadamat saath laya hoon
Ilahi teri chokhat per bhikari ban kay aaya hoon
Sarapa faqr hoon ijz o nadamat saath laya hoon