Låttexter
Op d'r A3.
D'r Dach es jung.
Hä weed noch lang.
Mer ston im Stau vun Kölle bes noh Bonn.
Die Band em Bus dräump vör sich hin beim Motorsang.
Vör Koblenz zeich sich en möde Sonn.
Die Zick es am dröppe.
Städtename reihe sich.
Ich ben jet möd un denk' an dich.
Mer sin op Tour, un keiner weiss, wie lang et hück noch weed -op dä Tour...
Soundcheck vörbei.
Jetzt fängk et lange Wade an.
Ich ben nervös un jevv' et doch nit zo.
Wievill wal kumme, wo kei Minsch uns Sproch he kann?!
Ich denk' an dich un föhl' e bessje Rauh.
De Jitta hült.
Ich ston em Leech vör all dä Lück.
Mi Hätz, dat klopp.
Et jeit meer besser Stöck för Stöck.
Un noh dem Gig, noh Schwaderei un Bier, en 'nem Hotel schlof' ich en.
Ich ben em Draum doheim bei dir.
Doch morje wäde mer op de Strosse widder sin.
