Lyrics
សត្វពពិចពាំផ្កា
សារិកាពាំចេក
សត្វក្រៀលយំដៀលសត្វសេក
ថាប៉ិនខាងដេក ម្តេចមិនដើររកស៊ី
អកឈ្មោលខកចិត្ត
ព្រោះអាណិតអកញី ជាសង្សារ
ចិត្តស្នេហា លុះត្រាជីវិតសូន្យ
ដូចអូនស្នេហា លើប្រុសថ្លៃ
បើអូនលង់ប្រាណហើយ
សូមត្រាណត្រើយប្រណី
អាណិតរូបអូនជាស្រី
អូនសូមប្រុសថ្លៃមេត្តារូបអូនផង
សូមចិត្តស្មោះដូចសត្វ
កុំឱ្យព្រាត់បំណង ណាឆ្នើមចិត្ត
អូនស្មោះពិត អូនគិតតែរូបបង
ស្នេហ៍ស្នងជាគូរគ្រងលុះក្ស័យ
កុំឱ្យខ្មាសសត្វក្រៀល
វាយំដៀលនិស្ស័យ
ថាខ្លួនក្រមុំពេញវ័យ នឹកចង់បានប្តី
មុនពេលគេស្តីដណ្ដឹង
លោកមេបាចាស់ទុំ
ខ្លះយំព្រោះតែខឹង និងរូបស្រី
ខ្លះជួយភ័យ ខ្លាចប្រុសថ្លៃប្រែចិត្ត
មិនពិតដូចពាក្យសម្បថស្នេហ៍