Lyrics
មើលពពករសាត់ទៅ
ទៅតាមខ្យល់ ផាត់ទៅឆ្ងាយ
វែងអន្លាយឆ្ងាយ ឆ្ងាយទៅ
មេឃងងិតឱ្យខ្ញុំនឹក រែងហ្មងសៅ
នឹកប្រុសពៅដែលឃ្លាតទៅ ទៅសែនឆ្ងាយ
ស្រណោះអ្វីម្ល៉េះ
ទ្រូងស្ទើរប្រេះ ឥឡូវហើយ
ចិត្តកង្វល់ នឹកស្រម័យដល់ប្រុសបង
ធ្លាប់លួងលោម រួមស្នេហា
អូននឹកបងគ្រប់វេលាឥត ស្បើយ
ផ្គរគ្រហឹមសូរគ្រឹមឥ្រឹម លាន់រវើយ
ឮឆ្លងឆ្លើយនាំ ឱ្យចិត្តខ្ញុំខ្លោចផ្សា
ព្រាត់ទាំងចិត្ត ឃ្លាតស្នេហា
ព្រាត់ឱរាព្រាត់វាចា ផ្អែមពីរោះ
ទឹករលកបក់បោកខ្លាំង រណ្ដំចិត្ត
រឹតខ្វាយខ្វល់ ឱវិលវល់ពេញជលសា
មើលបក្សីហើរព្រោងព្រាត ហើរទាំងគូ
ឱវាសនាខ្ញុំអាក្រក់ អ្វីម្ល៉េះទេ
បងអើយអូននឹក នឹកបងពេក
នឹកឥតល្ហែ នឹកដល់ស្នេហ៍
ធ្លាប់ផ្ដេកផ្ដិត ជិតឱរា
ស្រណោះធ្លាប់ យើងចរចា
ឆ្លើយរកគ្នាក្រោមមេឃា ភ្លឺថ្លា
អូនសូមផ្ដាំ ផ្តាំតាមខ្យល់
ដល់ជីវាមេត្តា នឹកអាណិតដល់អូនផង
ជួយទៅប្រាប់ថាខ្ញុំនឹក ពេកកន្លង
នឹកតែបង មួយប៉ុណ្ណោះ
បងអើយអូននឹក នឹកបងពេក
នឹកឥតល្ហែ នឹកដល់ស្នេហ៍
ធ្លាប់ផ្ដេកផ្ដិត ជិតឱរា
ស្រណោះធ្លាប់ យើងចរចា
ឆ្លើយរកគ្នាក្រោមមេឃា ភ្លឺថ្លា
អូនសូមផ្ដាំ ផ្តាំតាមខ្យល់
ដល់ជីវាមេត្តានឹក អាណិតដល់អូនផង
ជួយទៅប្រាប់ថាខ្ញុំនឹក ពេកកន្លង
នឹកតែបង មួយប៉ុណ្ណោះ
នឹកតែបង មួយប៉ុណ្ណោះ