Lyrics
តឹងទ្រូងស្ទើរបែក ទឹកភ្នែកហូរធ្លាក់ឯកឯង
ស្ទើរឆ្កួតវង្វេង ទ្រូងអូនចំបែងរីងរៃ
អូនអានអក្ខរា ដែលបងបញ្ជាក់ខែថ្ងៃ
អូនខំរាប់ដៃ បងថាវិលវៃ ថ្ងៃប្រាំមីនា
លើចុងត្នោតគោល ក្អែកបូលអូនអរអនេក
ខំជូតទឹកភ្នែក ស្មានថាបានយល់ភក្ត្រា
ចាំបាត់ចាំបាត់ ទ្រូងអូនចុកចាប់ពើតផ្សា
អូនយកអក្ខរា មកអានច្រើនសារ ឱ្យបានស្បើយទុក្ខ
ផ្គរលាន់ល្វើយល្វើយ ឆ្លងឆ្លើយដូចស័ព្ទសំដី
បើអត់ប្រុសថ្លៃ អកញីស៊ូចាំសំបុក
អូនស៊ូនៅព្រៅ ទ្រាំរស់គេងឱបក្ដីទុក្ខ
ប្រាថ្នាជាតិមុខ សូមជួបតែសុខ ប្រុសថ្លៃមួយអឺយ!
ឱ! ភូមិច្បារមន ជ្រកកោនរស់ផ្ញើជីវិត
ស្នាមស្នេហ៍អតីត រឿងពិត អ្នកដឹងអស់ហើយ
កម្មខ្ញុំជាតិនេះ ប្រទះតែទុក្ខឥតស្បើយ
ឱ! ច្បារមនអឺយ! មានតែអ្នកហើយ ដែលខ្ញុំផ្ញើឆ្អឹង
ឱ! ភូមិច្បារមន ជ្រកកោនរស់ផ្ញើជីវិត
ស្នាមស្នេហ៍អតីត រឿងពិត អ្នកដឹងអស់ហើយ
កម្មខ្ញុំជាតិនេះ ប្រទះតែទុក្ខឥតស្បើយ
ឱ! ច្បារមនអឺយ! មានតែអ្នកហើយ ដែលខ្ញុំផ្ញើឆ្អឹង