Lyrics
នៅលើខ្នងភ្នំ ខ្យល់ភ្នំរំភើយ
ពពកបក់បោកមកហើយ
ស្ងួនអើយកើយដួងចិត្តបង
ស្ដាប់វាចារៀមរ៉ាសាសង
ពីចិត្តកំពូលស្នេហ៍ស្នង
ផ្សងសាងជីវិតថ្មី
ផែនភ្នំធំខ្ពស់ជ្រោះជ្រៅវែងឆ្ងាយ
មើលទៅជើងមេឃឯនាយ
ឆ្ងាយអើយឆ្ងាយផុតនិស្ស័យ
ដូចវាសនារៀមរ៉ានឹងថ្លៃ
រស់ក្នុងអន្លុងទុក្ខភ័យ
គ្មានថ្ងៃស្រាកស្រាន្ត
អូ! អូនអើយនេះហើយជីវិត
ដែលព្រហ្មលិខិត
កម្រិតកម្មពៀរ វាសនាគ្រប់ប្រាណ
តែ ជីវិតរៀមនឹងកល្យាណ
តស៊ូគ្មានគ្រាអវសាន្ត
សាងឋានសុខសាន្តស្នេហា
ទ្រូងបងសថ្បហើយស្ងួនអើយចងចាំ
រយពាន់មុឺនសែនខែឆ្នាំ
ចាំស្នេហ៍ឥតប្រែចិន្តា
ភ្នំអើយភ្នំ ខ្ញុំសូមផ្ដាំថា
ទោះថ្ងៃខ្ញុំអស់សង្ខារ
ស្នេហាខ្ញុំមិនភ្លេចឡើយ
នៅលើខ្នងភ្នំ ខ្យល់ភ្នំរំភើយ
ពពកបក់បោកមកហើយ
អូនអើយកើយដួងចិត្តបង
ស្ដាប់វាចារៀមរ៉ាសាសង
ពីចិត្តកំពូលស្នេហ៍ស្នង
ផ្សងសាងជីវិតថ្មី
ផែនភ្នំធំខ្ពស់ជ្រោះជ្រៅវែងឆ្ងាយ
មើលទៅជើងមេឃឯនាយ
ឆ្ងាយអើយឆ្ងាយផុតនិស្ស័យ
ដូចវាសនារៀមរ៉ានឹងថ្លៃ
រស់ក្នុងអន្លុងទុក្ខភ័យ
គ្មានថ្ងៃស្រាកស្រាន្ត
អូ! អូនអើយនេះហើយជីវិត
ដែលព្រហ្មលិខិត
កម្រិតកម្មពៀរ វាសនាគ្រប់ប្រាណ
តែ ជីវិតរៀមនឹងកល្យាណ
តស៊ូគ្មានគ្រាអវសាន្ត
សាងឋានសុខសាន្តស្នេហា
ទ្រូងបងសថ្បហើយស្ងួនអើយចងចាំ
រយពាន់មុឺនសែនខែឆ្នាំ
ចាំស្នេហ៍ឥតប្រែចិន្តា
ភ្នំអើយភ្នំ ខ្ញុំសូមផ្ដាំថា
ទោះថ្ងៃខ្ញុំអស់សង្ខារ
ស្នេហាខ្ញុំមិនភ្លេចឡើយ