Lyrics
مريت بالشوارع، شوارع القدس العتيقة
قدام الدكاكين اللي بقيت من فلسطين
حكينا سوا الخبرية وعطيوني مزهرية
قالوا لي هيدي هدية من الناس الناطرين
ومشيت بالشوارع، شوارع القدس العتيقة
اوقف عباب بواب صارت وصرنا صحاب
وعينيهن الحزينة من طاقة المدينة
تاخدني وتوديني بغربة العذاب
كان في أرض وكان في إيدين
عم بتعمر عم بتعمر تحت الشمس وتحت الريح
وصار في بيوت وصار في شبابيك عم بتزهر
صار في ولاد وبإيديهم في كتاب
وبليل كله ليل سال الحقد بفية البيوت
والإيدين السودة خلعت الأبواب وصارت البيوت بلا صحاب
وصارت البيوت بلا صحاب
بينن وبين بيوتن فاصل الشوك والنار والإيدين السودة
عم صرخ بالشوارع، شوارع القدس العتيقة
خلي الغنية تصير عواصف وهدير
يا صوتي ضلك طاير زوبع بها الضماير
خبرهن عاللي صاير بلكي بيوعى الضمير
يا صوتي ضلك طاير زوبع بها الضماير
خبرهن عاللي صاير بلكي بيوعى الضمير
خبرهن عاللي صاير بلكي بيوعى الضمير
