Şarkı Sözleri
ឱ! ផ្កាយអឺយផ្កាយ ផ្កាយព្រះអង្គារ
រះឆ្ងាយពសុធា មិនងាយឈោងបាន
ទ្រូងអឺយ! ទ្រូងខ្ញុំ ក្រៀមក្រំពេញប្រាណ
ទ្រូងអឺយ! ទ្រូងខ្ញុំ ក្រៀមក្រំពេញប្រាណ
ព្រោះតែចង់បាន ផ្កាយមកថ្នមបី
ផ្កាយព្រះអង្គារ នាមជាបុប្ផា
ដែលដួងចិន្តា ខ្ញុំប៉ងបេតី
តាំងតែពីតូច រហូតពេញវ័យ
តាំងតែពីតូច រហូតពេញវ័យ
ប្រាថ្នារូបស្រី ជាគូជីវិត
ផ្កាយអឺយ! ផ្កាយព្រះអង្គារ
បងសូមសន្ទនា ភាសាដួងចិត្ត
បើសិនមាសឆ្អិន នាងមិនអាណិត
នោះបងត្រូវព្រួយ អស់មួយជីវិត
នេះគឺពាក្យពិត មិនប្រឌិតទេ
ឱ! ផ្កាយស្នេហ៍អឺយ! ស្នេហ៍មានតែមួយ
សូមមេត្តាជួយ ប្រណីក្ដីស្នេហ៍
ខំលួចស្រឡាញ់ ជាយូរឆ្នាំខែ
ខំលួចស្រឡាញ់ ជាយូរឆ្នាំខែ
គួរនឹកឃើញដែរ នៅគ្រាក្មេងវ័យ