Şarkı Sözleri
អ្នកណាសម្លាប់ម្តាយឪពុកឯង
ដូចជារំលាយព្រះពុទ្ធ
ជនណាសម្លាប់មាតាបិតា ទទួលទោសា
ដែលមានឈ្មោះថា អនន្តរិយកម្ម
នរកឃាំងទុក រាប់សែនលានឆ្នាំ
ទទួលខ្ទុះឈាមភក់ជ្រាំ ខាំពាំទុកជាអាហា
ទឹកភ្នែកម៉ែឪ ជ្រោះជ្រៅល្វឹងល្វើយ
ហែលមិនរួចឡើយ គេចទៅនាងអើយ កុំបីបំពាន
ទោះជាលំបាកតោកយ៉ាកយ៉ាងណា
គួរកុំបំពានមាត្រា នឹងព្រះឈ្នះមារនៃយើង
ព្រះពុទ្ធគឺជាមាតាបិតា គួរតែគោរពបូជា រក្សាឱ្យបានរុងរឿង
ជាត្រៃសារណៈ សម្រាប់ខ្លួនយើង
ត្រូវតែអ្នកលើកតម្កើង ជាគ្រឿងចម្លងជីវិត
ទុក្ខសោកចង្រៃគ្រោះភ័យអាសន្ន
មានតែព្រះគុណ ទុកជាទម្ងន់នៃព្រះបពិត្រ
ព្រះធម៌ព្រះសង្ឃដែលជានិមិត្ត
បង្ហាញផ្លូវត្រូវដល់ចិត្ត
ឱ្យស្ថិតក្នុងភព និព្វាន