Тексты песен
ប៉ា ឱះ ប៉ា
សង្ឃឹមឪពុកទុកស្មើកែវភ្នែក
តែចិត្តឪប្លែក ចិត្តខ្មៅចម្លែកខុសអ្នកដទៃ
ចោលម៉ែដែលឈឺ ឱ្យយំរាល់ថ្ងៃ
ភ្លេចអស់បុត្រី ជាប់ឈាមទាំងដុំ
ខ្លាចប្រពន្ធចុង លង់នឹងសម្រស់
ភ្លេចអ្វីទាំងអស់ ទុកកូនឱ្យរស់រស់ទាំងបង្ខំ
ដល់ថ្នាក់ហ្នឹងហើយ នរណាមិនយំ
បើគេជាខ្ញុំ គេយំយ៉ាងណា?
ម៉ែខ្ញុំខុសអី បានជាឪលែង
ឫឪបង្វែង ឈ្លក់ល្បែងស្នេហា
ឪឱបស្រីថ្មី ម៉ែហែលទុក្ខា
កូនរស់កំព្រា ជាប់ឈាមអប្រីយ៍
អូយចុកចាប់ណាស់ ប្រទះចិត្តខ្មៅ
ឈាមល្អក់ដំបៅ ដូចជ្រាំដែលជ្រៅខ្មៅហួសនិស្ស័យ
ឪបណ្តេញកូន ផ្គាប់ប្រពន្ធថ្មី
នៅក្នុងលោកីយ៍ គ្មានអ្នកណាដូច
អូយចុកចាប់ណាស់ ប្រទះចិត្តខ្មៅ
ឈាមល្អក់ដំបៅ ដូចជ្រាំដែលជ្រៅខ្មៅហួសនិស្ស័យ
ឪបណ្តេញកូន ផ្គាប់ប្រពន្ធថ្មី
នៅក្នុងលោកីយ៍ គ្មានអ្នកណាដូច