Tekst
ទឹកដីកោះកុង ដងទង់អៅវ៉ៅ
សមុទ្រក្នុងក្រៅ វាលអាវយាយសែន
ខ្ញុំអ្នកនេសាទ ជីវិតបត់បែន
រស់នៅផ្ញើប្រាណ លើផ្ទៃជលសា
រសៀលគងភ្នំ ទូករៀបចេញហើយ
ទ្រូងបងពុំស្បើយ ព្រោះនឹកពុំងា
បងស្រលាញ់ណាស់ ប្ដូរស្លាប់នឹងគ្នា
ឥឡូវពុំងា រៀបការគូថ្មី
ស្រណោះផាហ៊ុម មុំចងដៃបង
ទុកជាចំណង ស្នេហាភក្ដី
ក្លិនមិនទាន់បាត់ បាត់តែរូបស្រី
ឱ្យបងស្រមៃ រាល់ថ្ងៃទន្ទេញ
សមុទ្រសែនធំ មើលពុំឃើញត្រើយ
តែមិនស្មើឡើយ នឹងចិត្តស្រលាញ់
នឹកឡើងកាលណា ឱរាសែនក្នាញ់
មិនគួរបើចាញ់ ស្រីផិតស្រីក្បត់
ស្រណោះផាហ៊ុម មុំចងដៃបង
ទុកជាចំណង ស្នេហាភក្ដី
ក្លិនមិនទាន់បាត់ បាត់តែរូបស្រី
ឱ្យបងស្រមៃ រាល់ថ្ងៃទន្ទេញ
សមុទ្រសែនធំ មើលពុំឃើញត្រើយ
តែមិនស្មើឡើយ នឹងចិត្តស្រលាញ់
នឹកឡើងកាលណា ឱរាសែនក្នាញ់
មិនគួរបើចាញ់ ស្រីផិតស្រីក្បត់