Tekst
ស្រណោះស្នេហ៍ខ្ញុំ ទុក្ខធំម្នាក់ឯង
បេះដូងរួមរឹតចម្បែង ឱរាអួលណែនថ្លែងប្រាប់អ្នកណា
ជួបមុខស្នេហ៍ហើយមិនហ៊ានវាចា
ខំបិទនេត្រា ចុកចាប់ចិន្តាឈឺផ្សាគ្រាំគ្រា
តើបងដឹងទេ ថាអូនរែងព្រួយ
ទ្រូងស្ទើរប្រេះបែករលួយ ស្នេហ៍តែបងមួយ
ពេញក្នុងឱរា អូនចង់សារភាពថាអូនសេ្នហា
តែអនិច្ចា ចិត្តក្រែងរអា ហាស្តីមិនបាន
ស្នាមស្នេហ៍ឆ្លាក់ឈ្មោះបងហើយនឹងស្រី
ថាស្នេហ៍ភក្តី លុះថ្ងៃអវសាន្ត
អ្វីៗពេលនេះ ប្រែជាខកខាន
បងនៅជិតប្រាណ ហាក់ឆ្ងាយអាល័យ
តើក្នុងជាតិនេះ មានវាសនាទេ
បានដឹងពីចិត្តមាសមេ នែបនិត្យថ្នមថែក្បែរបងណាថ្លៃ
គ្មានសង្ឃឹមសោះ ជួបគូនិស្ស័យ
ជាតិនេះអ្វីៗ ចិត្តកាយភក្តីបូជាព្រោះបង
ស្នាមស្នេហ៍ឆ្លាក់ឈ្មោះបងហើយនឹងស្រី
ថាស្នេហ៍ភក្តី លុះថ្ងៃអវសាន្ត
អ្វីៗពេលនេះ ប្រែជាខកខាន
បងនៅជិតប្រាណ ហាក់ឆ្ងាយអាល័យ
តើក្នុងជាតិនេះ មានវាសនាទេ
បានដឹងពីចិត្តមាសមេ នែបនិត្យថ្នមថែក្បែរបងណាថ្លៃ
គ្មានសង្ឃឹមសោះ ជួបគូនិស្ស័យ
ជាតិនេះអ្វីៗ ចិត្តកាយភក្តីបូជាព្រោះបង