Playing via Spotify Playing via YouTube
Skip to YouTube video

Loading player…

Scrobble from Spotify?

Connect your Spotify account to your Last.fm account and scrobble everything you listen to, from any Spotify app on any device or platform.

Connect to Spotify

Dismiss

A new version of Last.fm is available, to keep everything running smoothly, please reload the site.

El Television - Lyrics

فتحت التليفزيون كالعادة نفس الكلام
الفن دمه تقيل زيه زى الإعلام
اللى عامل فنان واللى عامل مثقف
والجمهور كالعادة بيعمل زيطة ويصقف
بيعلموك إزاى تحب وتكره
بيزرعوا فى نافوخك أى فكرة
والغسالة شغالة ليل نهار
تغسل عقول الناس وتلوث الأفكار
فتحت التليفزيون كالعادة نفس الكلام
الفن دمه تقيل زيه زى الإعلام
اللى عامل فنان واللى عامل مثقف
والجمهور كالعادة بيعمل زيطة ويصقف
التليفزيون هو اللى سايق
ياخدك بعيد ويجيبك ويخلى عقلك غايب
التليفزيون هو اللى سايق
ياخدك بعيد ويجيبك ويخلى عقلك غايب
ومذيع التوك شو بيهرج زى البلياتشو
مع الفنانة ذات الإحساس اللى بتحب كل الناس
هى هى نفس الحدوتة طنط بتعمل دور بنوتة
نفس السيناريو نفس الحوار
مكتوب علينا غصب واقتدار
والأغانى مش عاجبانى
ولا فيها كلام ولا فيها معانى
نفس الاسطمبة زى الأفلام والمسلسلات
صدر و ورك ورقصة مزيكة مهرجانات
التليفزيون هو اللى سايق
ياخدك بعيد ويجيبك ويخلى عقلك غايب
التليفزيون هو اللى سايق
ياخدك بعيد ويجيبك ويخلى عقلك غايب
محلل استراتيجى خارج من فيلم أكشن
ليل نهار علينا عمال بيكتشن
عايش فى مغامرة كل حاجة مؤامرة
قال إيه خمسة وعشرين مكانتش ثورة
والمذيع طبعا شغال عصفورة
شغلته يلمع ويبروز الصورة
بيتاجروا بأى حاجة معدية
مرة بالدين ومرة بالحرية
التليفزيون هو اللى سايق
ياخدك بعيد ويجيبك ويخلى عقلك غايب
التليفزيون هو اللى سايق
ياخدك بعيد ويجيبك ويخلى عقلك غايب
والناس فى بعض عمالة بتقاطع
والجهل ع الشاشة ساطع
قفلوا البرنامج من قبل ما يبدأ
أصل الحقيقة بتوجع وبتحرق
النكتة كانت عجباهم إمبارح
بس النهاردة الوضع مش سامح
ولو كلامك منطقى أو ليه معنى
هيقولوا عليك عميل ومش تبعنا

Similar Tracks

Similar Artists

Don't want to see ads? Subscribe now

API Calls