Playing via Spotify Playing via YouTube
Skip to YouTube video

Loading player…

Scrobble from Spotify?

Connect your Spotify account to your Last.fm account and scrobble everything you listen to, from any Spotify app on any device or platform.

Connect to Spotify

Dismiss

A new version of Last.fm is available, to keep everything running smoothly, please reload the site.

สาวนักเรียนตำตอ - Lyrics

เนื้อเพลง: สาวนักเรียนตำตอ
ศิลปิน: ข้าวทิพย์ ธิดาดิน

โอ้ยน้อออละท่านผู้ฟังเอ๋ย
บัดนี้นางสิจาเป็นข้อ
สาวนักเรียนดอกตำตอ
จนได้ก้มกอส่อละนาเจ้าเอย

โอน้อพ่อแม่นางได้ส่งให้
เป็นเงินใช้ส่งเรียน
ขายงัวเกวียนพร้อมทั้งควายบักเถิกตู้
เบิดไวแม่บ่จ่มนางผัดลวงหลอกต้ม
เอาไปให้ผู้บ่าวโตเจ้าเอยนั้นแล้ว

โอน้อเงินค่าเทอมน้องหลอกล่อ
เอานำพ่อเดือนสองหน
พ่อแม่ทนนั่นหวังดี
ต่อยขี้ซียามแล้งหาฟักแฟงแตงเต้า
เอาไปขายส่งตลาด
ผักกาดหัวผักบั่วพร้อม
ได้ขายป้อมส่งลูกสาวเด้น้อเจ้าเอย

โอน้อทางพ่อแม่ผัดแฮงฟ้าว
อยากให้ลูกได้เป็นครู
ทั้งลูกสาวกะเลยถู
ฟ้าวอยากมีคนน้อย
พ่อแม่พลอยอยากมีหน้า
หาเงินมาฟ้าวเก็บส่ง
ลูกสาวทรงแต่อยากท้อง
โตต้องมักหน่วยใจเจ้าเอยนั่นแล้ว

คนฟังบ่แม่นตอแก่นไม้
ตอไฮ่ตอสวนบ่แม่นตอกลางค้าง
บ่แม่นตอกลางบ้าน
อันนี้ตอคนย่านหาจับชายาฝิ่น
ผู้ใดตำกะจนวิน
ผู้สาวตำเกิดหยึ่งท้อง
นอนในห้องวิงเวียนเจ้าเอยนั่นแล้ว

โอ้น้อสาวนักเรียนคือน้อง
ได้มาหลงตำตอ
เลยบ่ได้เรียนต่อเจ้าเอ้ยนั่นแล้ว

โอน้อบ่แม่นตอล้าล้า
ตอบ้าหมู่ผู้หญิง
สมัยนี้ผัดแฮงซิ่ง
โสดซิงซิงแฮ่งตำไว
เอิ้นว่าตอหัวใส
ถูกผู้ใด๋กะจนล้ม
ความระบมรอยร้าว
หัวอกสาวแสนเจ็บปวด
ตอตำรวจมีพิษร้าย
กายใกล้คอยระวังแหน่เด้อเจ้าเอย

โอน้อการเรียนนางเลยพลาดพลั้ง
เสียท่าย้อนตำตอ
สาวนักเรียนได้ตก ม.
ย้อนว่าตอดอกตำต้อง
ได้ไปเรียนอยู่ในห้อง
คนเดียวจนเขาส่า
แม่ได้ฟายน้ำตา
ลูกสาวเรียนเก่งล้น
ผลได้ผัดแม่นหลานเด้น้อเจ้าเอยเจ้าเอย

Don't want to see ads? Subscribe now

API Calls