歌詞
ចិត្តអើយចំបែង ថ្លែងមិនអស់
ព្រោះព្រាត់ពីប្រុសអើយ គូស្នេហា
ស្រណោះថ្ងៃមុន គេងគន់ភក្ត្រា
ថ្ងៃនេះឃ្លាតឃ្លាអើយ ចោលស្រស់ស្រីអឺយ
ស្រណោះម្រាមដៃ បីត្រកង
អូនគេងអេះខ្នងអើយ ផ្គាប់ចិត្តប្តី
ថ្នមពីព្រលប់ ទល់រាត្រី
ខំយកចិត្តប្តីអើយ ទាំងថ្ងៃយប់អឺយ
ធ្លាប់គេងធ្លាប់គង ធ្លាប់កៀកកើយ
ផ្គាប់ប៉ុណ្ណឹងហើយអើយ នៅមិនគ្រប់
ទាញដៃចូលមុង ពីព្រលប់
ផ្គាប់ថ្ងៃផ្គាប់យប់អើយ គ្រប់វេលាអើយ
ប្រឹងផ្គាប់ណាស់ដែរ តែមិនគ្រាន់
ប្រឹងដល់ព្រះចន្ទអើយ ខ្លាចបែកគ្នា
អូនខ្លាចមេម៉ាយ ព្រៅកំព្រា
ខ្លាចប្រុសគ្រប់គ្នាអើយ គេមើលងាយអឺយ
អូនគេងម្នាក់ឯង រែងខ្លោចផ្សា
ខ្វះដៃសង្សារអើយ មកថ្នមកាយ
នឹកឡើងឆ្អែតចិត្ត ទ្រូងស្ទើរធ្លាយ
ព្រោះប្រុសឃ្លាតឆ្ងាយអើយ ដាច់មេត្តាអើយ
តើថ្ងៃណាទៅ ពៅវិលវិញ
ចិត្តនៅទន្ទេញអើយ ឈ្មោះស្នេហា
វិលមកភ្លាមភ្លាម ទៅម្ចាស់ចិន្តា
ពេលអូនរងាអើយ រាវរកបងអឺយ