歌詞
ពេលសាយ័ន្តទន់ទេរទាបទៅ នាទិខរដូវនៅក្រុងប៉ារីស
ស្មៅខៀវខ្ចីពេញផ្ទៃធរណី ប៉ារីសប៉ារីសល្អអ្វីម្ល៉េះណា...
ខ្យល់ត្រជាក់ធ្លាក់មកដល់កាយ សែនសប្បាយឥតមានខ្វល់ខ្វាយឱរ៉ា
ក្រុងប៉ារីសល្អគាប់នេត្រា សួនច្បារបុប្ផាខ្លះរីកក្រពុំ
ស្តាយណាស់ពេលនឹងឃ្លាតទៅ ឃ្លាតទៅទាំងទុក្ខក្រៀមក្រំ
ស្រណោះប្រុសស្រីក្រមុំ ធ្លាប់ជួបជុំចរចាកំសាន្ត
ឱ!ប៉ារីសខ្ញុំសូមលាហើយ នៅឲ្យស្បើយកុំបីកើតក្តីរំខាន
បើខ្ញុំឃ្លាតក៏ឃ្លាតតែប្រាណគង់បានវិលមកជួបប៉ារីសវិញ
ស្តាយណាស់ពេលនឹងឃ្លាតទៅ ឃ្លាតទៅទាំងទុក្ខក្រៀមក្រំ
ស្រណោះប្រុសស្រីក្រមុំ ធ្លាប់ជួបជុំចរចាកំសាន្ត
ឱ!ប៉ារីសខ្ញុំសូមលាហើយ នៅឲ្យស្បើយកុំបីកើតក្តីរំខាន
បើខ្ញុំឃ្លាតក៏ឃ្លាតតែប្រាណគង់បានវិលមកជួបប៉ារីសវិញ
ជួបប៉ារីសវិញ ជួបវិញមិនខាន...