歌詞
ឃ្មោះ! សំឡេងឃ្មោះ!
ភ្លេងការ!
ឱ!នេះជាសំឡេងភ្លេងការ
សង្សារខ្ញុំទេតើ!
គូអើយគូគាប់ ធ្លាប់រួមស្ម័គ្រស្មោះ
គូអើយគូគាប់ ធ្លាប់រួមស្ម័គ្រស្មោះ
មិននឹក ស្មានសោះ បងអើយ
ថាប្រុសបែកចិត្ត អឺអឺអើយ
ដកខ្លួនចោលស្រី គ្មានក្ដីអាណិត
ដកខ្លួនចោលស្រី គ្មានក្ដីអាណិត
គួរណាស់បងគិតបងអើយ ដល់ចិត្តសង្សារ
អើយសង្សារ
មើលចុះប្រុសព្រាន ឃ្លានណាស់តណ្ហា
មើលចុះប្រុសព្រាន ឃ្លានណាស់តណ្ហា
បើដាច់មេត្តា បងអើយ
សូមរៀបការចុះ អើយការចុះ
ស្រណោះម្សិលមិញ ប្រឡែងគ្នាសោះ
ស្រណោះម្សិលមិញ ប្រឡែងគ្នាសោះ
ថ្ងៃនេះរូបប្រុស បងអើយអ្នកចុះចោលអូន
អើយចោលអូន
ឮសូរបទភ្លេង លេងបើកវាំងនន
ឮសូរបទភ្លេង លេងបើកវាំងនន
ឮភ្លេងបាយខុន បងអើយអូនសែនចុកផ្សា
អឺអឺអើយ
បងត្រេកអរណាស់ ឱនសំពះមេបា
បងត្រេកអរណាស់ ឱនសំពះមេបា
ចាស់ទុំចៅមហា បងអើយបាចផ្កាស្លាជ័យ
អើយស្លាជ័យ
ឃ្មោះលាន់រណ្ដំ ប្រោះព្រំគូថ្មី
ឃ្មោះលាន់រណ្ដំ ប្រោះព្រំគូថ្មី
អូនសូមជូនពរជ័យ
សូមប្រុសលើកដៃទទួល
អើយទទួល
សូមឲ្យជោគជ័យ សិរីមង្គល
សូមឲ្យជោគជ័យ សិរីមង្គល
កកើតមានដល់
ប្រុសបងគ្រប់ពេលវេលា
អើយវេលា
ចាកផុតពីទុក្ខ ជួបតែសុខជា
ចាកផុតពីទុក្ខ ជួបតែសុខជា
កុំបែកបាក់គ្នា
អូនស្រីសូមលាបងហើយ
អើយបងហើយ៕