歌詞
我雖然喺美國出世啊 uh-huh
但我都係仍然咁掛住香港 check it out, yo
我記得以前細個聽啲大人講
九七之前一定要離開香港
我根本就唔識所以無意見
回歸十年後都好似無乜變
香港仍然係咁好
我返親去個感受都真係好似解釋唔到
一落機就痴痴呆呆
好似時光倒流 回到未來
我已經變返小朋友
放暑假探緊我外婆拖住佢個手
多數喺公園吸緊新鮮空氣
如果乖 仲有得去歡樂天地
或者去商場買嚇玩具
行街市我不嬲都唔想去
唔使買餸都要兜翻兩個圈
啲師奶見到就話 啊 你個孫啊
無錯 個孫就係我
眨嚇眼我都已經咁大個
香港就仍然咁大
除咗新機場連迪士尼都起埋
唔知我老豆細個移民去美國
想當年有啲乜嘢感覺?
點都係中國人 就當係度假
離開個國家都飛唔出個手指罅
唐人戲 唐人報紙 唐人街
唐人需要嘅全部都有齊曬
2006 最新嘅報告
老實講我真係發夢都估唔到
我有呢個機會同大家分享
我啲經歷 我間中都睇翻啲相
我第一次返香港做 show
刺激過坐過山車 唔理佢幾高
我已經算係執到金
我淨係想你知 我 rap 親都係用個心
除咗咁 I don't know what else to say
我好開心我今日終於翻到屋企
So, get ready, get ready, get ready
嗱 老豆講開又講啦
其實你幾時唻美國㗎嗻?
1971年啦 我諗係咁上下啦
咁上下啊 你 你記得香港乜嘢呢?
我哋嗰個年代十四五歲
都記得好多嘢嘅
不過唔同你哋依家啦
香港咁發達 其實我都好掛住嘅
嗰個年代咧我哋去啓德玩嘅 好似好濕碎嘅
咁你都可以話掛住香港啦係嗎?
梗係啦 話曬我都係香港竹昇嘛 ABC 唻嘅
香港嘅 ABC 啊
係啊 啊仔唔好一味咁拍我膊頭啦 你問就問啦
唔係啊 咁你話曬係我老豆 我有小小壓力吖嘛
咁你拍我膊頭 拍到我訪問起上來我都驚 我都有壓力㗎嘛
喂咁你有壓力 我都有壓力
我都好大壓力嘎 問啦繼續問啦
你唔好一味咁拍我膊頭啦
等我依家講到窒曬口啦
你想唔想訪問啊 想想想
你想訪問就同我講道歉先啦
OK, OK 對唔住
咁道歉要握手先得嘎
繼續努力先啊
握手 握手 握手
