Testo
ឈាមមួយដំណក់ ដក់ជាប់ឱរា
ឈាមប្រុសឫស្យា ចិត្តកាចអប្រិយ
ក្រេបអស់រស់ជាតិ រករឿងនឹងស្រី
នេះឬចិត្តប្តី ពេលចង់ដោះដៃ បងប្រល័យខ្ញុំ?
ក្តៅណាស់ៗ ក្តៅនឹងចិត្តប្រុស
បោកប្រាណស្រីស្មោះ ឱ្យទ្រូងក្រៀមក្រំ
គេកៀកកើយគ្នា បញ្ឈឺចិត្តខ្ញុំ
ក្អាកក្អាយសុខុម ខ្ញុំចង់ស្រែកយំ ឱ្យខ្វាក់នេត្រា
កូននៅក្នុងផ្ទៃ ឳបាវិនិច្ឆ័យ
កាត់ទោសប្រល័យ ឱ្យសូន្យសង្ខារ
ម្តាយកូនស៊ូស្លាប់ តាមកម្មវាសនា
ព្រោះអីឳបា ឱ្យកាមតណ្ហា ពង្វក់ចិត្តបាន
ព្រះព្រហ្មលិខិត គ្មានអាណិតស្រី
ឱ្យខ្ញុំបានប្តី ចិត្តគ្មានសីលទាន
ទឹកភ្នែកខ្ញុំហូរ លាប្រុសចិត្តព្រាន
លាលុះអវសាន លាប្រុសសាមាន្យ ប្រុសក្បត់ចិត្តខ្ញុំ