Paroles
ទុក្ខខ្ញុំទុក្ខធំជាងសមុទ្ររាម ចាំបាត់ស្ងាត់ស្ងៀម
ស្នាមឈាមរង់ចាំ រស្មីប៉ប្រឹម
តើផុតសង្ឃឹម? ឬមានសង្ឃឹម?
ចិត្តយំទាំងទ្រាំញញឹម
នេះហើយជានឹម ផ្ទឹមទ្វីបស្នេហា
សមុទ្រមិនទាន់រីងទេណាពៅ ស្នាមឈាមក្រឡៅ
ស្រក់ក្រហមឆ្អៅ ដៅនៅលើស្មា
ស្រស់ៗ ថ្មីៗ ស្រីស្បថសច្ចារ
មិនដែលនឹកស្មានជឿថា
ស្នេហានិរាសវិនាសទីទៃ
ឈប់បក់ទៅខ្យល់នាំខ្វល់ចិត្តខ្ញុំ
ព្រះចន្ទព្រះសូរសុខុម អ្នកកុំបង្ខំបញ្ចេញរស្មី
ឈប់វិលភ្លាមទៅ គម្រក់ផែនដី
នៅវិលធ្វើអ្វី រស្មីសង្ឃឹមស្នេហ៏ខ្ញុំផុតហើយ
ឱកោះតាគៀវកំណើតស្នេហ៍ខ្ញុំ ទួញទ្រហោយំ
អ្នកខំសួរខ្ញុំ រកម្ចាស់ត្រាណត្រើយ
កុំសួរធ្វើអ្វី កោះតាគៀវអើយ
ថ្ងៃនេះខ្ញុំខ្មាសអ្នកហើយ
ព្រោះខ្ញុំជាឈ្លើយ វិបត្តិស្នេហា