Letras
Ti vogliu accumpagnà
Nant'u chjassu di e fole
È di u nostru sunnià
Di a nostra identità
Ti vogliu fà sapè
I nostri i sicreti
È u nostru lu piacè
Di sparteli cun tè
È ritruvà cusì in
Issi visi culpiti
Ciò chì feci sbuccià quì
U granu da fiurì
Annacquà lu per fà
Rinvitulisce l'anima
Ch'addombra u to campà
È la to verità
Issi castagneti abbandunati
È isse muntagne arruvinate
Isse case à l'ochjiserrati
È isse donne ammantate
Issi fiori chì si sò piattati
L'ochji arritrosi di e fate
È issi mazzeri sminticati
In isse petre chjinate
Simu sempre in viaghju
Sottu à listessu maghju
Nant'un battellu scemu
Ver' di l'urizonte stremu
È simu sempre uniti
Da curà i feriti
Ver' di i nostri sogni
Sopr'à li scherzi è li vergogni
Vogliu scopre cun tè
Ciò chì hè statu nascostu
I valori è u sapè
U prezzu di l'avè
È po' fà ti scuntrà
Isse ghjente di magia
Chì ti facenu sperà
In un mondu à rinuvà
Issu voceru chì fù
Ridottu à lu silenziu
E bellezze è e virtù
Ciò ch'è tù ùn sai più
Issu cantu spartarà
L'umanu di dumane
Chì cunnosce u parlà
Di radiche è cambià
Isse voce chì funu incabbiate
E morre è po' l'impaghjellate
Issi chjerchji è sciupetti imburrati
Issi ghjochi passiunati
I nostri vechji imprigiunati
Chì c'incantavanu e serate
In isse casette illuminate
Da fucone è cantate
Simu sempre in viaghju
Sottu à listessu maghju
Nant'un battellu scemu
Ver' di l'urizonte stremu
È simu sempre uniti
Da curà i feriti
Ver' di u nostru avvene
Incù issa sperenza chì ci tene
La la la
