Songtext
បងសូមសួរស្រីថា ស្រឡាញ់បងទេ?
សូមមាសមេឆ្លើយប្រាប់ ឱ្យបានដឹងផង
កុំឱ្យរៀមខ្វល់រាល់ថ្ងៃ ព្រោះតែចិត្តស្នេហ៍នួនល្អង
ពេលដែលកន្លងទៅច្រើនខែថ្ងៃ
បងកើតទុក្ខចំបែងតែឯងឯកា បើរដូវវស្សាបុប្ផារីកថ្មី
បងសូមបេះយកផ្កា មកថ្នាក់ថ្នមដាក់លើហឫទ័យ
រាល់ពេលយប់ថ្ងៃ មិនឱ្យមានហ្មង
ភក្ត្រាផូរផង់ រៀមចង់តែបីឱបត្រកង
ញញឹមម្ដងៗ ឱ្យបងស្លុតអស់ទាំងស្មារតី
ស្រីអើយ! អូនស្រី ប្រណីមេត្តា
ដល់ចិន្ដាដែលប្រាថ្នាតែរូបអូន
បើសិនទឹកសន្សើម ព្រមស្រោចលើស្មៅ
ទោះជារដូវក្ដៅ ក៏មិនស្រពោន
ស្មៅដូចរូបបង ក៏ត្រូវបានរស់ ព្រោះសន្សើមអូន
មិនក្រៀមស្រពោន អស់មួយជីវិត
បងកើតទុក្ខចំបែងតែឯងឯកា បើរដូវវស្សាបុប្ផារីកថ្មី
បងសូមបេះយកផ្កា មកថ្នាក់ថ្នមដាក់លើហឫទ័យ
រាល់ពេលយប់ថ្ងៃ មិនឱ្យមានហ្មង
បើសិនទឹកសន្សើម ព្រមស្រោចលើស្មៅ
ទោះជារដូវក្ដៅ ក៏មិនស្រពោន
ស្មៅដូចរូបបង ក៏ត្រូវបានរស់ ព្រោះសន្សើមអូន
មិនក្រៀមស្រពោន អស់មួយជីវិត