Songtext
ចន្ទរះចុងខ្នើត អើតពីទ្រូងព្រៃ
ស្រមោលដូងលៃ ចោលម្លប់គ្របស្នេហ៍
លើផែនថ្មដា ឆ្នេរសមុទ្រខ្មែរ
ជំនោរឥតល្ហែ បក់ពី កោះរ៉ុង
ក្រុងកំពង់សោម ស្នោងឋានតុសិត
វិថីបែនបទ ផ្នត់ខ្នងភុជង្គ
បងជាទេសចរណ៍ ប្រៀបបានកន្លង់
មិនផ្អៀងបង្គង ដើរផ្សងទាំងស្មាន
អូនអឺយ! កុំព្រួយ ស្នេហ៍មួយដំណើរ
អ្នកភូមិឃ្លាំងលើ ចាំមើលតាមដាន
បើអូនដាច់ចិត្ត ឱ្យបងខកប្រាណ
ញាតិផងព្រេងលាន ទិទៀនបងហើយ
យប់នេះអូនស្បថ ស្មោះហ្នឹងប្រុសពៅ
បង់បត់យាយម៉ៅ ជួយចាំសម្ដី
ពាក្យល្អគ្រប់ដប់ ក្រោមម្លប់ដូងលៃ
សូមឱ្យមានន័យ លុះថ្ងៃអវសាន
អូនអឺយ! កុំព្រួយ ស្នេហ៍មួយដំណើរ
អ្នកភូមិឃ្លាំងលើ ចាំមើលតាមដាន
បើអូនដាច់ចិត្ត ឱ្យបងខកប្រាណ
ញាតិផងព្រេងលាន ទិទៀនបងហើយ
យប់នេះអូនស្បថ ស្មោះហ្នឹងប្រុសពៅ
បង់បត់យាយម៉ៅ ជួយចាំសម្ដី
ពាក្យល្អគ្រប់ដប់ ក្រោមម្លប់ដូងលៃ
សូមឱ្យមានន័យ លុះថ្ងៃអវសាន